Transcription
1
Monseigneur, jay receu la lettre quil vous a pleu mescrire du dernier
2
jour de lan, par laquelle je voy bien que naviez receu encores celle que
3
je vous escrivoys par Bourgel, car je vous mandoys par icelle comme javoys
4
receu la lettre de banque quil vous avoyt pleu menvoyer par voye du sieur
5
Joseph Arnolphini que ledit Bourgel m’aporta. Je ne lavoys encores em-
6
ployée, mattandant tousjours sur ce que devoyt recevoyr monsieur d’Evènes
7mon oncle de ce qui est deu à mon oncle monsieur de La Roche, mais [barré : apr ]
8
voyant quil ny avoyt plus desperance de ce costé là, jay esté contraint
9
de prendre mil trois cens livres suivant le contenu de laditte lettre de ban-
10
que, lesquels je menageray le mieux quil me sera possible. Au demeurant,
11
monseigneur, je reconnoys bien que la depence que jay faitte depuis
12
que suis parti daveques vous est fort grande mais, monseigneur,
13
je vous supplie de considerer quil ma falu tout habiller ce que jay fait
14
le plus moderement quil est possible. Dautre costé, jay achepté deus
15
chevaux de charrete qui me coutent quatre vints escus, jay aussi
16
acheté des armes, charrete, lit de camp à pavillon, comme aussi ay je
17
esté en part à un pavillon de tente avec mon oncle monsieur d’Evènes
18
et ainsi de tout autre equipage pour ce voyage de La Rochelle, ce qui seroyt
19
trop long à escrire si je vouloys tout mettre par le menu. Bien est il vray
20
que maintenant les depences ne seront pas si grandes, dautant que je
21
me suis acommodé de ce qui m’est le plus necessayre, de façon que ces
22
mil trois cen livres me merront quelques temps. Il est vray que je
23ne scauroys rembourser monsieur d’Evènes des [barré : ci ] six cens livres quil m’a prestés
24
sans demeurer en arrière. Mondit sieur d’Evènes vous pourra mieux informer
25
et certifier de lexecessive depence quil convient faire, pour estre touttes choses
26
si extremement chères quil ne se peut de plus. Jay bien grand regret de
27
ceste si grande depence que je vous fois, vous asseurant, monseigneur, que
28
je meforceray de la reparer de tout mon pouvoyr, affin quau moins elle
29
ne soyt employéee en vain. Et surce, je vous bayseray très humblement les mains,
30
suppliant le Createur vous donner,
31
monseigneur, très heureuse et longue vie. De Paris, XIII janvier 1573. Vous
32pourrez voyr, monseigneur [barré : comme ] , par la lettre de monsieur d’Evènes come nous partons demain pour
33
aller à La Rochelle, ce qui est cause quil na peu vaquer aus affaires que vous luy
34
escripviez.
35
Votre très humble filz et très obeissant serviteur
36
à jamais. De Simienne allemand